*زمان في الدافوري
*عشان العزلة ما تطلع ظلم
*كنا بنقول لكل اتنين مستواهما متقارب امشو اتسامو
*يقومو يمشو بعيد ويتفقو علي تسميات
*مثلا الحجر والبحر
*يجو لرؤساء التيمين
*يقولو الروس الروس
*الرؤساء يقولوا ليهم حباب التيوس
*يقولو من الحجر للبحر
*واحد يعزل الحجر مثلا
*المسمي الحجر يمشي تبع فريق الزول الاختارو
*وهكذا
*من الموتر للعربية
*من الشجرة للبعرة
*ويستمر المنوال
*المهم
*الروس الروس
*حباب التيوس
*استوقفتني الذكري
*وتأملت ذلك الزمان
*امشو اتسامو
*ليه؟
*عشان العزلة ما تطلع ظلم
*اتربينا علي ان نكره الظلم
*وفي سبب تاني
*عشان نحارب زولي وزولك والتكتلات
*وسبحان الله
*الروس الروس
*حباب التيوس
*ليه الروس بالتحديد؟؟؟
*والمتأمل للمشهد حالينا
*لاتخطئ عينه حقيقة(لغف) الروس لدهبنا
*ولك ان تتأمل منظرنا
*شايلين دهبنا جاريين بيهو علي موسكو
*فرحانين بكمية جديدة تذهب للروس
*مهللين الروس الروس
*الا يحق للروس ان يبادلونا التحية بعبارة
*حباب التيوس؟؟؟؟؟؟
*ايها الناس
*اذا كان اقتصاد دول الجوار يعتمد علي مواردك
*تبقي فعلا علي الاقل سلة غذاء الجيران
*سلة غباء
*ويبقي من مصلحة الجيران انك تعيش الفوضي ليستفيدوا
*كل الجيران قريبا سينادوننا
*حباب التيوس
*ونحن نعترك لاجل كرسي يحقق صالح شخصي بصرف النظر عن صالح الوطن
*فعلا حباب التيوس
*وقصة الروس دي ماجديدة
*قديييمة من زمن التيوس الجد جد
*ابان دقن
*ديك كمان (لبلبتهم)ظااااهرة
*وعفنتهم ترمي الصقر
*وسنظل كذلك
*كل العالم من يشوفنا حايقول
*حباب التيوس
*الي ان نفقد حتي مراعينا الطبيعية التي نأكل منها الفتات
*ليقتات غيرنا خيرها وهو يردد لنا
*حباب التيوس
*اها
*نجي لي شمارات والي الخرتوم
*كان شفت ياوالينا
*حباب التيوس بقولوا لينا
*ونسلنا مابحسنوهوا لينا
*يانا تيوس بلدية بليدة ياوالينا
*وفينا تيس السرة المنفوخ في فارغة وخامينا لامستفيد وعشان نستفيد حامينا
شمارات الكلب
ننساك كيف والكلب قال وفيكم تيس حليمة لبن لشاي الصباح ماخلاهو لينا
والي لقاء
سلك
