*كل شعوب الدنيا تستمتع بالمطر
*لانها عملت بنيات تحتية لمناطقها السكنية لتصريف الامطار
*لو صبت سنة نقطة مابتمسك
*ونحنا كان عملنا خور مابنعمل فيهو كبري
*عشان بنكون عملنا فيهو(كبري ) يظهر في قيمة العطاء ان كان هناك عطاء
*والخور يجي المواطن يملاهو نفايات واكياس وورق
*وبعضنا يتخذه حمامات عامة
*قبل الخريف تجي المحليات تطلع كرور الخور وتخليهو جمب الخور وتمشي تطلع فواتيرها
*كرور الخور براهو برجع الخور قبل المطرة تجي
*ويحدس مايحدس
*غيرنا من الشعوب البتستمع بالخريف مابسكنوا في مجاري الموية
*نحنا نسكن والسيل يشيلنا
*نمرق
*السيل يفوت
*نرجع تاني محل شالنا السيل
*السيول دي ذاتها بتستفيد منها الشعوب البتستمع بالخريف
*بتعمل علي محاريها سدود وخزانات تفيد في الري بعد الخريف وسقيا المواشي
*نحنا السيل نقطة مابنستفيد منها
*بس ننتظر بعد السيل الاغاثات والنفير واعادة المشكلة بالتدوير
*وفالحين للامثال
*الموية مابتنسي دربها
*ونقعد في درب الموية
*سواق البص عينو للسيل
*يدخل ليك البص ويبقي زي المصاصة في كباية العصير
*ايها الناس
*في البلد دي العيب مافي المطر
*العيب في البشر
*حكومة تلغف
*ومواطن سئ السلوك
*ويضيع المطر والوطن مالين هذا وذاك
مطرتنا بتشبه كورتنا
*وكورتنا بتشبه سياستنا
*وسياستنا تشبه روحها
*والمابلقي شبهو المولي قبحو
*دي شناة شنو دي ياربي!!!!!!!
